以下是Sky Sir 友好：棋亮撰文
經歷下跌的一周後，市場風險意識大幅上升，至周五早上，期指見26859點後，買盤湧入，全日北水淨流入逾30億，打破過去兩周，內地資金從走都走唔切，到倒流入，收市後內地宣布降準0.5%，為2020年1月來首次，預計釋放約1萬億長期資金。這次全面降準，比起市場預期的定向降準來得更全面，又可能全球仍受印度變程Delta困擾之際，中國也不願金融市場出現大問題，所以大力頂一頂。
另一方面，恆大（3333）許家印於七一出現慶典後，市場一度預期恆大系脫險，但上周尾卻傳出被中國相關機構約談，債務問題，包括會否研究引入戰略服東，恆大系仍然受壓，這條鏈仍未脫險。
早前減持了周金舖同周四清了航運股，原因是中資科網股於大調整後，已進入吸引水平，本周應該會加多5-10%，依注都係博彈返一成。此外，一直持有的藝術地產爆出建築項目質量問題，雖然企業推出甚為負責的補償方案，但市場都係沽左先。集團當日回購3百萬股，股價才現支持力。而企高一點去望，集團股東資本近3000億，加上是次事件對商譽影響應該不大，所以值得繼續持有。
上兩周的跌市，殺了不少牛證，至27000點後，以牛證博反彈的資金有所收斂。雖然上周五夜期，已回升至27700點，但是否真正反彈，都要睇今日十點半左右，仲守唔守到依個水平之上。而且，下一輪去到28200點的阻力應該不少，所以市況整體反彈之時，會繼續減貨，而唔係加大倉位，目標係由宜家九成倉減返落七成。
棋亮執筆
（持牌人士，撰文時沒有持有相關股份）
Search